ஒருநாள் போல்
ஒருநாள் இருப்பதில்லை
ஒவ்வொரு நாளும் ஒவ்வொரு மாதிரி
இருட்டின் முகட்டில்
வெள்ளிக் கம்பி வானம்
இருள்பாதி ஒளிபாதி
மெல்லப்பரவும் ஒளிக் கீற்று
உடன் மேலெழும் வெளிச்சப் பந்து
இப்படி
நாளுக்குநாள்மாறும் நேர விளையாட்டு
கண்களின் பதிவில்
நிற்கமறுக்கும்
பகல், காலை, இரவு
ஒவ்வொரு பொழுதுக்கும்
ஒவ்வொரு முகம்
ஒவ்வொரு நாளுக்கும்
ஒரு நொடிக்கு ஒருநொடிவித்தியாசம்
மரணம் பிறப்பு
எல்லாம் ஒரு கண நேர நிகழ்ச்சிதான்
அடுத்த பொழுது உறக்கமாக இருக்கலாம்
என்வசதி அப்படிஅடுத்தவர் வசதி
எனக்கு மாறாய் இருக்கலாம்
அடுத்தது என்ன என்பதின்
கேள்வியிலேயே உலகம் சுழலும்
1 கருத்து:
நல்ல கவிதை. உங்களைப் போன்ற தமிழறிஞர்களும் தமிழ்மணத்தில் எழுதுவதால் தமிழறியாத என் போன்றோர்க்கு தமிழைக் கற்றுக்கொள்ள நல்லதொரு வாய்ப்பு. மிக்க நன்றி.
கருத்துரையிடுக